Ky edicion i 58-të i Festivalit në RTSH solli një sërë polemikash për shkak të shpalljes si fituese të këngëtares Arilena Ara, si dhe përmendja herë pas here e Elvana Gjatës si këngëtarja të cilës nuk iu dhanë pikët e merituara nga juria.
Ka qenë edhe vetë Elvana ajo që ka reaguar pas përfundimit të Festivalit, duke i uruar fitoren Arilenës, por nga ana tjetër ka hedhur disa pikëpyetje pë mënyrën se si ka votuar juria.
Lidhur me këtë situatë ka reaguar për herë të parë dje drejtori i përgjithshëm i RTSH-së Thoma Gëllçi, i cili ka deklaruar se shumë shpejt do të bëhet një analizë e hapur rreth këtyre polemikave, si dhe vendimit të jurisë.
Reagimi i Gëllçit:
Siç është ne traditen e Rtsh, së shpejti do të zhvillohet analiza e festivalit që do te jete e hapur per shtypin dhe publikun.
Debatet jane te natyrshme ndersa vendimi i jurise eshte i pavarur dhe padiskutueshem.
Kujtojmë se ky Festival ka qenë shumë i debatuar dhe në rrjetet sociale, ku janë analizuar dhe tekstet e këngëve pjesëmarrëse, të cilat kanë lënë shumë për të dëshiruar.
