Jusilda është bërë protagonist në një emision televiziv ditën e sotme.
E ftuar në rubrikën “Ka një mesazh për ty, ajo kishte ftuar bashkëshortin e saj për t’i dhënë një zgjidhje problemeve në martesën e tyre e cila tashmë ishte në një gjendje kritike.
Julsida rrëfeu për publikun se bashkëshorti i saj shpenzon shumë orë në rrjetin social ‘facebook’. Ai madje posedon disa adresa të rreme me të cilat komunikon me persona të ndryshëm. Në këto rrethana Julsida mendon që Lediani nuk është besnik.
“Më thotë që rri në Facebook sa për të shtyrë kohën e lirë. Unë i them pse i shkruan të tjerave, më shkruaj mua. Po ty të kam në shtëpi, më thotë. Jam këtu sot për t’i kërkuar Ledianit të heq dorë nga Facebook-u. Ose atë ose mua. Ai le të vendosë vet se cila është më e mirë për atë, interneti apo familja.”- tregoi Julsida e vendosur.
Lediani, bashkëshorti e kishte pranuar ftesën për të qënë në studio.
Duke qeshur ai rrëfeu se nuk kishte krijuar asnjë lidhje nga interneti.
“Të flasësh me mesazhe nuk do të thotë që ke krijuar një lidhje. Mund t’i kem thënë vetëm një mirëmëngjes ose mirëmbrëma. Bëj shaka”- tha Lediani.
Në fund ai i premtoi publikisht besnikëri bashkëshortes së tij.
(F.M/Faxweb)
