Justin Bieber nuk di të këndojë “Despacito”, fansat e sulmojnë me objekte në skenë

Këngëtari Justin Bieber është ndeshur me një incident gjatë një shfaqjeje në Festivalin Summerbust në Stockholm, në Suedi.

Përpara turmës që i kërkonte të këndonte këngën e Luis Fonsi, Justin filloi të këndonte “Blah blah blah” dhe më pas zbuloi se nuk e dinte tekstin.

“Nuk mund të këndoj Despacito, nuk e di atë,”, tha Justin, mirëpo një fans kapi një objekt dhe e lëshoi drejt këngëtarit kanadez.

Siç duket për të ishte e papritur që këngëtari mos ta dinte këngën, duke patur parasysh se është edhe vetë pjesë e një versioni të këngës, e cila ka kapur vendin e 1-rë në Billboard Hot 100.

Kjo nuk është hera e parë që Justin ndeshet me incidente nëpër koncerte, por ndryshe nga çdo herë tjetër e përballoi atë me qetësi. “Mos hidh gjëra drejt meje të lutem.”, këto ishin të vetmet fjalë që shqiptoi këngëtari. (D.D/Shuplaka)