Juventus mposht Milanin në ndeshjen e zhvilluar në Torino. Bardhezinjtë e kanë gjetur veten në avantazh që minutat e para të lojës, ku në minutën e 10 ka shënuar Dibala, ndërsa për të dyfishuar rezultatin ka menduar boshnjaku Pjaniç, i cili ka shënuar një supergol nga një goditje dënimi në minutën e 21.
Kuqezinjtë kanë arritur ta ngushojnë diferencen e golave në minutën e 53-të me anë të kolumbianit Baka. Edhe pse ka pasur shumë raste për të shënuar ekipi i Milanit nuk ka mundur që ta barazojë rezultatin e ndeshjes , madje e ka mbyllur ndeshjen me një lojtar më pak sepse Lokateli është larguar me karton të kuq.
Gjithashtu në lojë është inkuadruar edhe blerja më e re e Milanit, Gerard Deulofeu por nuk ka mundur të sjellë asnjë ndryshim në lojën e kuqezinjve. Kështu ekipi torinez është hakmarrë për finalen e humbur në Doha në dhjetorin e kaluar, kur u mund nga Milani nëpërmjet penalltive. Ndërkohë që në gjysmëfinale e pret një tjetër ekip i fortë siç është ekipi i Napolit. (K.P/Shuplaka)
Discussion about this post