Juventusi i mbylli pasqyrat financiare të sezonit 2018-2019 me një deficit prej afro 40 milionë euro. Ende nuk ka asgjë zyrtare, por ky parashikim mund të nxirret nga raporti 6-mujor, i miratuar dje nga “Exor”, ndërmarrja e familjes “Agnelli’, që kontrollon klubin e Juventusit me 63.77 për qind të aksioneve.
Sipas “Gazzetta dello Sport”, në këtë lloj bilanci negativ ka peshuar më shumë se gjithçka tjetër kostoja e blerjes dhe trajtimit financiar të Cristiano Ronaldos.
Nëse xhiroja e parave është rritur, por nuk ka qenë e mjaftueshme, edhe fitimet kapitale nuk kanë arritur të mbulojnë shpenzimet.
Konkluzioni zyrtar pritet më 19 shtator, kur të mblidhet bordi i drejtorëve të Juventusit, por në detaje, fitimi neto për vitin e kaluar financiar do të jetë negativ, në masën 39.5 milionë euro.
Discussion about this post