Pak minuta pas takimit me kreun e Lëvizjes Vetëvednosje, Hashim Thaçi reagoi duke deklaruar se i kishte caktuar 48 orë kohë Albin Kurtit për të propozuar emrin e kryeministrit të ri të Kosovës, por diçka e tillë është mohuar ntga VV.
Me anë të një statusi në Facebook, Kreshnik Ahmeti, sekretar për marrëdhënie me jashtë në LV, ka shkruar se sot ishte në takimin e sotëm, nga ku zbulon se nuk ka pasur asnjë afat kohor të caktuar nga presidenti.
Ahmeti ka sqaruar se në mbledhjen e ardhshme të kryesisë do të merret vendim për emrin që do t’ia dorëzojnë presidentit.
“Sot, si Sekretar për Marrëdhënie me Jashtë i Lëvizjes VETËVENDOSJE!, isha pjesëmarrës në takimin e Kryetarit të Lëvizjes VETËVENDOSJE!, z. Albin Kurti, me Presidentin e Republikës së Kosovës.
Mund të them që në asnjë moment Presidenti nuk ka përmendur kufizim kohor për nominimin e kadidatit/es për Kryeministër, e aq më pak afatin prej 48 orëve.
Ky kufizim kohor apo çfarëdo kufizimi i ngjashëm, nuk ka bazë kushtetuese.
Në mbledhjen e ardhshme të Kryesisë sonë do të marrim vendim, në përputhje me Kushtetutën e Republikës së Kosovës, dhe mandej do t’ia dërgojmë zyrtarisht e me shkrim Presidentit propozimin tone”, shkruan Ahmeti.
(F.GJ/FAXWEB.AL)
Discussion about this post