Kreu i qeverisë Edi Rama gjatë një takimi në zyrën e bashkëqeverisjes, ka folur sërish sot për grupin KÇK në radhët e drejtësisë.
Rama tha se prej kohësh në Kadastrën e Durrësit vepron në grup kriminal, dhe për këtë po përgatitet një ligj që të heqë nga sistemi të gjithë personat e kriminuar.
“Sot vazhdon të jetë e vështirë dhe e pamundur që të shkosh në gjykatë, jemi në kushtet kur ka nisur pastrimi i drejtësisë. Pra, që do t’i kapi fshesa ata që janë veshur me petkun e ligjit dhe funksionojnë si organizatë grabitësish ordinerë.
Për KÇK-në, siç e kam lajmëruar, ne do të çojmë në parlament edhe disa masa speciale ndaj anëtarëve të tyre. Nuk mund të them më shumë për momentin. Herët ose vonë, qeveria do të ndërmarrë një fushatë për goditje frontale ndaj KÇK-së’’, u shpreh Rama, ndërsa më tej shtoj se masat ndaj KÇK-së do të çlirojnë dhe Kadastrën e Durrësit.
“Kadastra e Durrësit, rreth kriminal prej shumë vitesh, krimi nuk do t’i gëzojë paratë e grabitura”, do të shtonte Rama gjatë fjalës së tij, dhe duke iu referuar në mënyrë direkte prokurorit Arjan Ndoja, ndaj të cilit rreth një javë më parë u krye një atentat.
(E.K/Faxweb.al)
