Debati mes rradhëve të artistëve vijon në lidhje me ccështjen e zhvendosjes së Teatrit Kombëtar dhe jo vetëm.
Ajo që është venë re mes rradhëve të artistëve është ndarja e tyre deri-diku në qëndrime, ku një pjesë qenë në takim me ministren Kumbaro dhe pjesa tjetër jo.
Gjatë debatit mes tyre me Kumbaron vëmendjen më të madhe e mori sërish Bujar Asqeriu, i cili kritikoi ashpër me një fjalim të gjatë punën e ministrisë.
Por, ndonëse pa ia përmendur emrin, Ndriçim Xhepa pati kritika për disa artistë, të cilët ai i quajti ‘njerëz me dëshirë për të zbrazur nervin e aktrimit aty ky bisedohet’
“Këto ditët e fundit ka momente që kur grumbullohen njerëzit e artit ka ca reagime absolutisht jo të këndshme dhe estetikisht të papranueshme. Mund të kesh ide dhe dëshira, por ka një pauzë, të dëgjohet tjetri, jo disa forma herë-herë harbute, herë herë patologjike. Ka ca njerëz që nuk e di pse kanë dëshirë të zbrazin nervin e aktrimit aty ku bisedohet”, tha Xhepa në emisionin e Eni Vasilit.
Sipas tij “vendi i aktrimit është në skenë, vendi i aktrimit është në kinema para kamerës. Aty duhet të tregosh se kush është pesha specifike e aktrimit tënd.
Shoh një a dy persona aty që tregojnë ca cilësi pak si harbute, pak si kapadaillore dhe kur i sheh me ndonjë rol shumë të plotë në skenë situata nuk është fare e këndshme. Po të vijnë ti qepen nja dy kritikë që dinë ta bëjnë tamam kritikën e artit direkt i çojnë të fillojnë ndonjë kurs shkollimi, aktrimi”.
(E.K/FAXWEB)
Discussion about this post