U diskutua shumë një foto e ministrit të Transporteve Sokol Dervishaj mes dëborës. Një palë e përgëzoi, një tjetër e kritikoi për inspektimet pranë Tunelit të Kalimashit ku bora i zbardhte flokët. Pas Dervishajt shkoi në terren edhe ministri i Brendshëm Saimir Tahiri.
Por në terren nuk shkojnë vetëm ministrat. Në terren janë përditë punonjësit dhe policët. Nëse një pjesë e nënave të administratës këto ditë pushojnë pranë të vegjëlve të tyre, ka nga ato zonja që punojnë mes flokëve të dëborës e temperaturave nën zero.
Kështu ndodh me Alda Prelën, për shembull dhe me kolegen e saj. Sekretari i Prefekturës së Lezhës Altin Jaku ka shfrytëzuar momentin për të fiksuar në një foto procesin e punës në një nga zonat e thella të Mirditës.
”Në Bashkinë Mirditë, kemi patur reshje të dëborës në latësit mbi 300 m. Trashësia e dëborës arrin në rreth 10-70 cm.
Zonat e thella të bashkisë Mirditë, ato të njësive administrative Fan, Orosh, Selitë dhe Kaçinarë, janë të bllokuara, trashësia e dëborës varjon në rreth 35-100 cm. Temperaturat e ulëta dhe erërat e forta krijon probleme në të gjitha rrugës, sepse sposton dëboren në rrugë, duke i mbushur deri në 1,5 m dëborë, në disa vende (kthesë strehë).
Bashkia Mirditë po punon për pastrimin dhe hedhjen e kripës në akset kryesore në mes qendres së bashkisë me qendrat e njësive administrative duke mundësuar kalushmerin e mjeteve me zinzhirë.”, bën të ditur Jaku. (V.G/SHUPLAKA)
[ngg_images source=”galleries” container_ids=”625″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post