Prej ditësh vendi është nën pushtetin e temperaturave të larta, dhe duket se situata do të mbetet po njësoj deri në fund të muajit Prill.
Pjesa më e madhe e Europës, duke përfshirë këtu edhe Europën Juglindore dhe Shqipërinë, do të vijojnë të përjetojnë temperatura të larta deri në fund të muajit.
Sipas Meteoalb, moti mbetet me kthjellime vranësira kalimtare; më të shpeshta në Veri dhe pjesërisht në Qendër. Por pasditja vijon kryesisht me kthjellime në zonat Perëndimore ndërsa Veriu dhe zonat Lindore do kenë vranësira të shpeshta e shira të izoluar.
Temperaturat e ajrit rriten lehtë në mëngjes por mesdita ruan vlera konstante në vend; perjashtuar një rritje të lehtë në zonat Qendrore.
(E.K/FAXWEB.AL)
