“Ka pasur sulme të egra ndaj fëmijëve të tij”, avokati zbulon telefonatën e fundit me Agron Tufën: Deputetë ekstremistë e kanë kërcënuar vazhdimisht 

Drejtori ekzekutiv i Institutit për Studimin e Krimeve dhe pasojave të Komunizmit në Shqipëri (ISKPK), Agron Tufa është larguar përfundimisht nga Shqipëria, së bashku me familjen e tij, pas presioneve dhe kërcënimeve të vazhdueshme që i janë bërë.

Në një lidhje telefonike për Fax News, avokati i tij, Kujtim Cakrani u shpreh se z.Tufa është detyruar që të marrë këtë vendim, pasi i janë kërcënuar fëmijët e tij.

“Ka marrë vendimin për tu larguar duke qenë se i rrezikohej jeta e fëmijëve të tij në shkollë nga grupe kriminale që vijnë me prejardhje komuniste që vazhdojnë të dirigjojnë institucionet shqiptare.”- u shpreh avokati.

Më tej Cakrani shtoi se vazhdimisht ndaj, Tufës janë bërë sulme nga deputetë ekstremiste që vijnë me një të kaluar kriminale dhe me prejardhje komuniste.

“Është e vërtetë që ndaj zotit Tufa, prej vitit 2010, ku ka marrë drejtimin e institucionit për Studimin e Krimeve dhe pasojave të Komunizmit në Shqipëri, ndaj tij veçanarisht që pas vitit 2013, kur erdhën në pushtet socialistët, janë shtuar sulmet ndaj zotit Tufa.

Kulmin e ka arritur këtë vitin e fundit, kur po dilnin dhe emrat e personave që kanë kryer krime makabër. Ndaj Tufës filloi një sulm kolektiv. Ka filluar që në muajin prill. Ku deputetë ektremistë që vijnë nga e një e kaluar kriminale, kanë filluar sulmet verbale ndaj zotit Tufa dhe institucionit që drejton  z.Tufa. Ndaj Tufës është hedhur një baltë dhe akuza të rënda që natyrisht nuk qendronin.

Unë mbremë kam pasur kontakte dhe më ka thënë që do të japë shpjegime më të qarta në ditët që do të vijnë. Aktualisht po kërkon azil duke qenë se i rrezikohej jeta e fëmijëve të tij në shkollë nga grupe kriminale që vijnë me prejardhje komuniste që vazhdojnë të dirigjojnë institucionet shqiptare.

Me ka thënë se ka pasur sulme të egra ndaj fëmijëve të tij. Është një vend të BE-së, por trajtohet si azil-kërkues dhe po jep detaje lidhur me krimin shtetëror dhe hakmarrjen që po bën shteti ndaj tij. Kjo ka qenë edhe vendimi, që z.Tufa të marrë këtë veprim.”– u shpreh Cakrani.

(M.Q/Faxweb.al)