Kryetari i Partisë Konservatore, Kujtim Gjuzi pasi ka publikuar listën e kandidatëve të kësaj partie për kryetar bashkie në zgjedhjet e ardhshme që do të mbahen me datë 30 qershor të këtij viti, ka reaguar sërish me një tjetër postim në rrjetet sociale.
Gjuzi ka publikuar një artikull ku në hyrje të të cilit shkruan: “Aleanca Fluide Kombëtare për Drejtësi. Opozita e re shqiptare: Qeveri Akademiko-Politike”.
Kjo me sa duket është rryma më e re politike, e cila siç edhe ka deklaruar më herët Gjuzi do të hyjë në zgjedhjet lokale që do të mbahen në fund të qershorit të ardhshëm.
Gjatë ditës së djeshme, Gjuzi ka postuar një fotografi në rrjetet sociale ku janë listuar emrat e kandidatëve si dhe bashkitë përkatëse përkrah të cilës shkruan “konservatorët të gatshëm për zgjedhjet lokale 2019”
Kujtojmë se Gjuzi ka qenë kandidat për deputet në zgjedhjet e përgjithshme të kaluara, ku djegia e mandateve nga opozita mund ti krijojë hapësirë që të thirret nga Komisioni Qëndror i Zgjedhjeve për të plotësuar vakancat në Parlament.
Një prej atyre që janë shprehur se do ta pranojnë mandatin e deputetit është edhe Kujtim Gjuzi, kreu i Partisë Konservatore, i cili rënditet i 19 në listën e PD-së në Qarkun e Durrësit (lexo ketu).
“Nuk kam asnjë arsye që ta lëshoj mandatin sepse nuk është i Kujtim Gjuzit, por i Partisë Konservatore. Në këtë moment unë jam një ndër drejtuesit më të lartë të grupit të ri opozitar”, ka deklaruar më herët Gjuzi.
(F.GJ/FAXWEB.AL)
Discussion about this post