“Ka prova se Damasku zyrtar është përgjegjës për sulmin kimik”, ministri francez paralajmëron nxjerrjen e tyre

Franca do të sjellë për disa ditë provat që regjimi sirian i Assad ka organizuar sulmin kimik në qytetin e Khan Cheikoun, që shkaktoi 87 të vdekur më 4 prill, deklaroi sot shefi francez i diplomacisë, Jean Marc Ayrault.

“Ne kemi elemente që na mundësojnë të tregojmë se regjimi ka përdorur me qëllim armë kimike”, deklaroi Ayrault duke theksuar se shërbimet sekrete franceze kanë në dispozicion prova të mjaftueshme.
“Në disa ditë mund t’ju sjell provën”, -tha ai, raporton USA Today.

Në fillim të muajit prill dyshohet se regjimi sirian ka zhvilluar bombardime me armë kimike kundër popullsisë civile ku u vranë 84 persona, që shkaktoi gjithashtu një reagim të menjëhershëm të SHBA-së, e cila bombardoi me raketa nga deti një bazë ajrore nën kontrollin e Damaskut.

Rusia dhe Siria akuzuan rebelët për sulmin e 4 prillit por edhe të shkuarit ku u vranë dhjetra fëmijë dhe civilë të tjerë. (M.D/ Shuplaka)