Ka shqyrtuar dosje të nxehta, i dogjën makinën gruas, gjyqtari kalon Vetingun

Gjyqtari i Gjykatës së Apelit për Krime të Rënda, Sokol Binaj është konfirmuar në detyrë, duke kaluar me sukses procesin e Vetingut. Trupa gjykuese që kreu hetimin për Binajn përbëhej nga Firdes Shuli, Etleda Çiftja dhe Pamela Qirko.

Sokol Binaj e ka filluar karrierën në sistemin e drejtësisë në vitin 2004, pas një dekade qëndrimi në Romë të Italisë. Ai punon prej 15 vitesh në Gjykatën e Apelit për Krime të Rënda, ndërkohë që paralelisht me funksionin ka marrë pjesë në trajnimet e Shkollës së Magjistraturës në cilësinë e ekspertit.

Binaj ka qenë pjesë e dosjeve të nxehta, si ajo e Saimir Tahirit, Izet Haxhisë, apo çështje të tjera të rëndësishme. Dy ditë përpara se ai të dilte në Veting, makina e bashkëshortes së tij u dogj teksa ishte e parkuar poshtë banesës. (Lexo edhe ketu) 

(E.K/FAXWEB.AL)