Halil Sinani, nga Kukësi që jeton prej 20 vitesh Tiranë, kërkon ndihmë nga shteti. Ai jeton në një shtëpi me qera në Laprakë, me dy fëmijët dhe bashkëshorten. Familja ka urdhër mbrojtjeje nga autoritetet për shkak të problemeve me babain i cili ka probleme të shëndetit mendor. Ai thotë se janë shkëputur nga banesa ku jetonte me babain prej vitit 2007 për shkak të problemeve me të atin.
“Rasti im është si telenovelë turke. Që në vitin 93 kur më është djegur shtëpia në Kukës. Ndërtuam një shtëpi në Tiranë. Më pas ndodhi një fatkeqësi dhe babai im pësoi probleme mendore pasi banesa ku ne ishim është projektuar për tu prishur. Unë vetë kam kërkuar azil në BE dhe nuk më është aprovuar sepse konsiderohemi si vendi sigurtë. Unë pasi erdha në Shqipëri, babai im i cili pësoi probleme mendore, më sulmonte. Unë kam urdhër mbrojtje, por shteti nuk merr masa që për babain tim të merren institucionet e duhura. Shteti më ka pajisur me urdhër mbrojtje nga babai im.
Zoti kryeministër ti shif afganët e Shqipërisë dhe lëri ata të tjerët. Ta dijë mirë kryeministri se unë jam kryetar shqiptar jo pakistanez apo afgan. Ndryshe do marr fëmijët dhe do dal ta takoj publikisht të kërkoj përgjigjie nga ai.
Unë dua një shtëpi për fëmijët e mi. Unë punoj vetë, por dua një banesë. Jam në borhe edhe tek bankat e nivelit të dytë. Nuk jam as i majtë as i djathtë, kërkoj ndihmë. Jam kuksian jam malësor, do vdes si trim. Kryeministër merrni masa të menjëhershme për këtë situatë”- u shpreh qytetari.
Discussion about this post