Teksa pritet të formohet qeveria “Rama 2”, ku nuk do të këtë vetëm një ndryshim të ministrave, por edhe të disa prej drejtorive të rëndësishëm.
Sipas “Tv Klan”, Drejtoria e Tatimeve do të bashkohet me atë të Doganave. Bashkimi i dy agjencive më të rëndësishme të administratës fiskale synon uljen e korrupsionit, rritjen e kontrollit me një staf më të specializuar dhe shkurtimin e procedurave për biznesin.
Po ashtu, grupi i punës është duke studiuar variantin për të nxjerrë më vetë funksionimin e Ministrisë së Thesarit, e cila do të merret me pjesën e shpenzimeve, pagesat, buxhetin dhe menaxhimin e borxhit publik, ndërsa agjencia e re mund të funksionojë më vete si e pavarur nga ky institucion.
Strukturimi i drejtorive më të rëndësishme në një të vetme pritet të prekë edhe atë të Departamentit të Tenderave dhe Prokurimeve Publike që ka çdo institucion që mund tv kalojnë në një njësi të posaçme.
Ndërkohë një tjetër reformim që pritet të ndodhë është edhe ai i bashkimit në varësinë e një ministrie të agjencisë së pronave, zyrave të hipotekës dhe Aluiznit.
(S.SH/Shuplaka)
Discussion about this post