Kryetari i Kuvendit të Kosovës, Kadri Veseli, do të zhvillojë një vizitë zyrtare në Shqipëri, e parashikuar të nisë ditën e sotme.
Referuar njoftimit të zyrës për media në Kuvendin e Kosovës, Veseli do të zhvillojë takime të veçanta me krerë të lartë të shtetit, ndër to Presidentin e Republikës, Bujar Nishani, Kryeministrin Edi Rama dhe kryetarin e Kuvendit, Ilir Meta.
“Gjatë qëndrimit në Tiranë, kryeparlamentari Veseli do të takohet edhe me kreun e Bashkisë së Tiranës, Erion Veliaj”, thuhet në komunikatë.
Pritet që ai të zhvillojë takime edhe me kryetarin e PDIU-së, Shpëtim Idrizi, si dhe drejtues të partive opozitare, Lulzim Basha dhe Fatmir Mediu. (XH.A/SHUPLAKA)
