Gjatë seancës së sotme parlamentare në Kosovë është zgjedhur kryetari i Kuvendit.Për të dytën herë në krye të Kuvendit është zgjedhur Kadri Veseli. Veseli mori këtë post me 62 vota pro deputetë dhe 52 kundër.
Zgjedhja e Veselit në postin e kryekuvendarit, ka pasuar negociatat e gjata politike ndërmjet Partisë Demokratike të Kosovës, Aleancës për Ardhmërinë e Kosovës dhe Nismës për Kosovën, fillimisht me Aleancën Kosova e Re dhe në fund me pakicat.
Seanca e sotme, ishte vazhdimësi e seancës konstituive të 3 gushtit, e cila gjashtë herë u ndërpre, për shkak të mungesës së votave për zgjedhjen e kryetarit të ri të këtij institucioni. Zgjedhjen e Veselit nuk e kanë përkrahur Lidhja Demokratike e Kosovës dhe Lëvizja Vetëvendosje. (J.V/Shuplaka)
