Aktivisti Aulon Kalaja ka folur në Fax News për turin e protestave kundër marrëveshjes për detin me Greqinë, në qytetet e ndryshme të Shqipërisë.
Ai ka folur për protestat në Rogozhinë e para disa ditëve, si dhe protesta e sotme në Rrëshen.
Ai tha që protesta nuk pasqyrohet nga mediat përgjithësisht dhe njerëzit që i bashkohen protestës në qytete të ndryshme kanë pengesa sidmos tek ata që mund të punojnë në administratë pasi raportohen tek kryetarët e Bashkive apo të emëruarit e tjerë të qeverisë.
Kalaja theksoi që këto janë protesta patriotike pa asnjë ngjyrim partiak.
Ai tregoi rastin e protestës së para disa ditëve ku një gazetare e një tjetër televizioni i tha që nuk mundej ta raportonte protestën me urdhër të eprores së saj në television.
“Protestat tona që sot shënuan numrin e 12, morën shkas nga lajmi që doli në mediat greke. Duke parë si dalin këto lajme, i besoj më tepër medias greke sepse ka më shumë përgjegjësi kombëtare karshi popullit të vet dhe nuk është e akaparuar siç është media këtu nga qeveria.” – tha Aulon Kalaja
(E.L/Faxweb)
Discussion about this post