“Kallëzim për fshehje pasurie”, Tom Doshi: ILDKP institucioni më i korruptuar, çdo vit më bie shorti për t’u kontrolluar

Në komision të ligjeve gjatë mbledhjes së ditës së sotme ka pasur debate. Pas deklaratave të forta një ditë më parë ku akuzoi se dëshmitarët e mbrojtur po lihen rrugëve, deputeti Tom Doshi ka lëshuar të tjera akuza.

Këtë radhë Tom Doshi ka lëshuar akuza për ILDKP-në dhe kreun e saj, Shkëlqim Ganaj. Për ILDKP-në, “Tom Doshi është subjekt kallëzimi për fshehje pasurie dhe po hetohet në Prokurori”.

Por Doshi ka reaguar ashpër duke thënë “ Mua çdo vit më bie shorti për tu kontrolluar. Kreu i ILDKP njeriu më i korruptuar që ekziston dhe ILDKP është institucioni më i korruptuar”, ka thënë ai.

(J.V/Shuplaka)