Një e nga një deputeti socialist Bledi Çuçi i Komisionit të Ligjeve ka lexuar emrat e kandidatëve për kryeprokurorë dhe cilët i plotësojnë dhe cilët jo.
Ky ka qenë raporti i Komisionit të Ligjeve. Sipas Çuçit vetëm 3 prej kandidatëve arrijnë të plotësojnë kushtet. Ata janë: Arta Marku, Ferdinand Elezi dhe Ermira Tafani.
Arqile Koça
Plotëson kushtin 15 vjet jurist. Plotëson edhe kushtet e parashikuara në ligjin e Prokurorisë lidhur me integritetin moral dhe professional. Nuk ka gradë shkencore në Drejtësi, duke mos përmbushur kriterin kushtetues.
Arta Marku
Përmbush kushtet dhe kriteret ligjore të përcaktuara në Kushtetutë. është emëruar si Prokurore pas magjistraturës. Plotëson kushtete dhe kriteret ligjore që përcaktohen në nenin 23 të Ligjit të Prokurorisë për figurën morale dhe profesionale të kandidatit. Sa I takon vlerësimit professional rezulton se ka marrë vlerësimin ‘shumë mirë’. Ka ushtruar funksionin si zv.drejtues të Prokurorisë së Shkodrës.
Artur Selmani
Përmbush kushtin formal të jo më pak se 15 vjet përvojë pune si prokuror. Plotëson pjesërisht kushtet që lidhen me kriterin moral dhe professional të kandidatit. Duhet të shihni shkresën e ILDKP-së. Ky kandidat plotëson kërkesat e ligjit sa I përket të shkuarës në komunizëm. Ka një masë disiplinore, nuk ka gradën shkencore në drejtësi, kusht që kërkohet nga Kushtetuta e Shqipërisë.
Besnik Muci
Plotëson kushtet dhe kriteret ligjore lidhur me integritetin moral dhe professional. Nuk përmbush kushtin për vjetërsinë në punë, 15 vjet përvojë pune. Sic e ka thënë edhe në CV e tij rezulton se ka 14 vjet si prokuror.
Ferdinand Elezi
Plotëson kushtet dhe kriteret ligjore që parashikohen në Kushtetutë si dhe ato në Ligjin e Prokurorisë lidhur me integritetin moral dhe professional. Plotëson edhe kërkesat e ligjit sa I përket të shkuarës në komunizëm, nuk ka qenë anëtar, bashkëpunëtor, apo I favorizuar si Sigurimit të Shtetit.
Ermira Tafani
Përmbush kushtet dhe kriteret ligjore nga nenet e Kushtetutës si dhe ato në Ligjin e Prokurorisë lidhur me integritetin moral dhe professional. I plotëson edhe kërkesat ligjore që vijnë nga ligji për garantimin e integritetit të personave që zgjidhen në funksione publike. Nuk ka qenë anëtar, bashkëpunëtor, apo I favorizuar si Sigurimit të Shtetit.
Discussion about this post