Kaloi 3 ditë në terapi intensive, qeveria britanike njofton mbi gjendjen e Boris Johnson

Me sa duket gjendja shëndetësore e kryeministrit britanik,  Boris Johnson po shkon drejt përmirsësimit.

Ai  kaloi natën e tretë në spital ndërsa mediat vendase flasin se ndodhet ende në terapi intenvise në spitalin, St Thomas Hospital në Londër por ai ka reaguar mirë ndaj medikamenteve që i janë bërë së fundmi.

Lajmin e ka bërë të ditur një zëdhënës i DoWning Street, cili pohoi se kryeministri është mirë por akoma nuk është gati për t’iu kthyer punës.

“Boris Johnson – vazhdon ai më tej – është i vetëdijshëm dhe mund të komunikojë”.

Johnson është shtruar në spital më 5 prill, për shkak të simptomave të vazhdueshme të sëmundjes, ndërsa të hënën mbrëma është transferuar në kujdes intensiv.

Mbretëresha britanike, Elizabeth II, i ka dërguar mesazh familjes dhe partneres së tij, duke thënë se ata janë në mendimet e saj.