Prej ditësh tashmë deputeti shqiptar Ziadin Sela në Maqedoni ndodhet nën kujdesin e mjekëve në spital pas incidenteve në Parlamentin maqedonas.
Tashmë gjendja e tij është më e qëndrueshme dhe nuk kanë munguar as vizitat nga familjarë apo njerëz të afërt të tij.
Ndërkohë që një vizitor i veçantë për të ka qenë dhe 9-vjeçari Xhelil Ameti nga Fshati Balindoll i Gostivarit. Ajo që ishte emociunuese ishte torta e tij që e kishte porositur, dhe e dekoruar me foton e Ziadin Selës dhe foton e tij, shkruan TetovaSot.
Xhelili i vogël kishte porositur që torta të jetë me ngjyrat kuq e zi, ashtusi flamuri kombëtar shqiptar. Ai ishte kujdesur edhe per nje detaj tjetër. Kishte veshur nje kostum të bukur dhe e kishte kombinuar me ngjyrat kuq e zi.
Madje edhe pse rojet nuk donin që ta linin ai ka insistuar deri në momentet që ka hyrë në dhomën e Selës. (E.K/SHUPLAKA)
