Donika Prela që aktualisht është drejtuese në Prokurorinë pranë Gjykatës së Shkallës së Parë për Krime të Rënda, ka aplikuar për të qenë anëtare e “Strukturës së Posaçme kundër Korrupsionit dhe Krimit të Organizuar”, njohur ndryshe si SPAK.
Ndërkohë që pak minuta më parë ka aplikuar edhe Maksim Sota, Prokuror në Prokurorinë Pranë Gjykatës së Shkallës Parë Vlorë.
Siç edhe është lajmëruar më herët, nesër është data e fundit për aplikimin nga ana e prokurorëve për SPAK.
Deri më tani pas shtyrjes së afatit të aplikimit janë resgjistruar 22 prokurorë nga të cilët vetëm 15 prej tyre do të përzgidhen në këtë strukturë, ndërkohë që mbetëten edhe 24 orë nga përfundimi i këtij afati.
Prokurorët e tjerë të cilët kanë aplikuar deri më tani janë: Altin Dumani , Enkeleda Osmani ( Xhengo), Elida Kackini ( Celami), Enkeleda Millonai,Vate Staka, Anton Martini, Klodian Braho, Besnik Muçi, Eneid Nakucin, Edvin Kondilin, Dolorez Musabelliu, Eugen Beci, Dritan Prençi, Shkëlzen Cena, Vladimir Mara, Arben Kraja, Besim Hajdarmataj, Vatë Staka, Behar Dibra dhe Dorina Bejko.
Kujtojmë se afati i fundit i aplikimit ishte me datë 06.02.2019 por për shkak të numrit të paktë të aplikimeve ai u shty deri me datën 21 shkurt.
Ndërkohë KLP iu ka bërë thirrje prokurorëve të shfrytëzojnë këtë afat për të paraqitur aplikimin e tyre, me arsyetimin se “numri ikandidatëve të cilët kanë aplikuar nuk është ende i tillë që të mundësojë konkurrencën dhe përzgjedhjen e më të mirëve”.
Discussion about this post