Zëvendës Kryeministri Erion Braçe dhe deputeti i Partisë Socialiste, Paulin Sterkaj bënë një deklarate për mediat pas përfundimit të senacës së jashtëzakonshme e cila u zhvillua nën trysninë e protestës që po zhvillohej jashtë godinës së Kuvendit.
Ata komentuan incidentin që ndodhi midis Sterkajt dhe protestuesve përpara se deputeti socialist të hynte në sallën e Kuvendit, si edhe për protestën e opozitës e cila zgjati disa orë dhe u shoqërua me tensione dhe përplasje të ndryshme midis protestuesve dhe policisë.
Deputeti Paulin Stërkaj, i cili pati dhe probleme gjatë hyrjes në Kuvend ku u pengua nga protestuesit (Lexo këtu) u shpreh se ka telefonuar Vasili duke i thënë se nëse i ndodh gjë deputëtve do ta kërkojmë tek ato (Deputetë) që protetsojnë.
“I bëj thirrje ish kolegëve, që mos ti bëjnë thirrje kujt për të cënuar individë parlamentarë. Ne do të zbatojmë ligjin. E mora në telefon Petrit Vasilin, dhe po e them sinqerisht, se po qe se i ndodh ndonjë gjë ndonjë deputeti do e kërkojmë tek ai apo tek ndonjë deputet tjetër që kërkojnë të sulmojnë deputetët që janë përfaqsues të popullit. I bëj thirrje ministrit të Brendshëm dhe policisë të jenë të veshur me të gjitha pajisjet që t’u bëjnë ballë turmave që sulmojë vendin.”- u shpreh Stërkaj.
Kreu i grupit parlamentar të Lëvizjes Socialiste për Integrim, i cili tani më e ka dorëzuar mandatin e deputetit, u shpreh për televizionin Fax News se, deputetët që janë brenda sallës së Kuvendit nuk janë asgjë në krahasim me mijëra qytetarë që kanë dalë në shesh kundër qeverisë, duke i paralajmëruar ata se nuk do të ketë një herë tjetër falje për ta.
“Kanë provokuar shumë përtej forcës së tyre, sot përsëri është hera e fundit që i falim. Disa njerëz aty brenda nuk janë asgjë përpara mijërave njerëzve këtu brenda.
Njerëzit nuk do të lëvizin nga këtu, si minjë të rrinë aty brenda”, tha Vasili.
(M.Q/Faxweb.al)
