“Kam një përgjigje për ty”, Vasili: 300 mijë vende punë, premtim i parealizuar i Rilindjes

Kreu i LSI-së Petrit Vasili, duket se i është përshtatur mjaft mirë ndryshimeve teknologjike. Edhe pse ka shumë pak kohë që është rregjistruar në Facebook, ai sot ka transmetuar LIVE përmes profilit të tij, duke iu përgjigjur pyetjeve të parashtruara nga ndjekësit e tij në Facebook.

Në rubrikën “LSI ka një përgjigje për ty”, një komentues e pyet Vasilin për 300 mijë vendet e punës të premtuara nga Rilindja gjatë fushatës së kaluar.

“Pyetje e fortë, ka patur një debat të madh lidhur me këtë. Në bindjen time nuk është një premtim i mbajtur, nuk më duket një qëndrim korrekt, korrekt do ishte sa vende pune janë realizuar dhe besoj se 300 mijë vende pune nuk janë realizuar në këto katër vjet.” është përgjigjur Vasili. (D.D/Shuplaka)