Një intervistë 60 minuta me kryeministren e Zelandës së Re, Jacinda Ardern është bërë mjaft virale për shkak të pyetjeve jo fort të zakonshme nga gazetari veteran Charles Wooley. Gjatë intervistës
gazetari filloi ti bënte komplimente ndërkohë që komentuesit thanë se ishin komente seksiste dhe se gazetari kishte firtuar me të.
“Kam takuar shumë kryeministre në jetën time, thotë Wooley ndërkohë që kamerat po e shoqëronin nga korridori i parlamentit, e më pas me kamerën e fokusuar tek fytyra e Arden, ai shton: Por s’kam parë askënd kaq të zgjuar, kaq të re dhe kaq tërheqëse”.
Por intervista u pasua me tallje nga shumë të rinj në mediat sociale, të cilët mbrojtën kryeministren duke thënë se ai e kishte tejkaluar me komentet.
Një pjesë e komentuesve shprehen se intervista ishte e pështirë dhe e mërzitshme. “Si mundet një bukuroshe si ty të futet në botën e shëmtuar të politikës”, ishte një nga pyetjet e Wooley.
Por Ardern duke buzëqeshur ia kthen: Njerëzit e mirë futen në politikë.
Ndërkohë që pyetjet e Wooley rreth shtatzënisë së saj e vunë në siklet kryeministren. Cila është data e saktë e lindjes së fëmijës? (duke e lidhur me fushatën zgjedhore të 17 qershorit)
(M.Q/Faxweb)
Discussion about this post