Familja Malaj jeton në Patoz të Fierit dhe përbëhet nga dy bashkëshortët dhe 3 vajza të vogla, kjo familje ndodhet në gjendje të vështirë ekonomnike .
Ata rrëfejnë se jetojnë në shpinë e dikujt tjetër, i cili jeton në Greqi por në momentin që zotëria do të kthehet nga emigracioni do të nxjerrë këtë familje nga banesa.
“Jetojmë në gjendje të mjerueshme, kam 3 vajza për të ushqyer, jam i papunë, gruan e kam të sëmurë, unë nuk kam asnjë llojë ndihme nga shteti, do të doja vetëm një banesë strehimimi.
Kam kërkuar ndihmë në komunë, nëse mund të më jepnin ndonjë asistencë, por nuk më dhanë asgjë pasi përgjigja e tyre ishte se unë zotëroj 2 dynym tokë dhe nuk më takon asistenca”
Ndërkohë zonja tregon se vuan nga një sëmundje, e cila kërkon shumë para për t’u kuruar, madje ajo shprehet se ka tentuar disa herë vetëvrasjen për shkak të gjendjes së mjerueshme në të cilën ndodhet.
“Kam shumë kohë e sëmurë por nuk i kam treguar bashkëshortit pasi e dija se nuk kisha para dhe nuk do vizitohesha, familjarët e kuptuan në momentin që më gjetën pa ndjenja në tokë.
Mua më shkojnë rreth 200 mijë lekë të vjetra në muaj vetëm gjilpëra, nuk kam çfarë t’u jap fëmijëve për të ngrënë, kam tentuar të kryej vetëvrasje sepse nuk mund të duroj më, i kam thënë bashkëshortit që më lër të vdes se nuk duroj më, nuk dua asgjë tjetër përveç strehimit të fëmijëve.
Zonja shprehet se ndërhyrja e saj do të kryhet në Spitalin e Tiranës, pasi Spitali i Fierit nuk ka pajisjet për të kryer këtë ndërhyrje”.
Fax News u interesua pranë Bashkisë së Fierit por punonjësit janë shprehur se zotëria dhe gruaja e tij janë në moshë pune dhe nuk mund të përfitojnë ndonjë pension apo ndihmë sociale pavarësisht gjendjes së mjeruar në të cilën ndodhen.
(B.K/FAXWEB.AL)
Discussion about this post