Ditën e sotme gjyqtari Shkëlqim Miri ka kërkuar sërish lirinë në Gjykatën e Krimeve të Rënda. Miri pretendon se është i sëmurë nga një tumor, ndaj ai ka kërkuar që të lirohet sepse sipas tij i rrezikohet edhe më keq jeta në burg.
Mësohet se kjo kërkesë është depozituar nga Ardian Visha, avokati mbrojtës i gjyqtarit, i cili shprehet se, ” gjyqtari Miri është në gjendje të rëndë dhe tashmë është shtruar në një spital privat”.
Për këtë arsye, Gjykata e Krimeve të Rënda ka caktuar dy ekspertët për të vlerësuar gjendjen e tij shëndetësore. Kujtojmë që gjyqtari Miri u hap me 300 milionë lekë në banesën e tij. (J.V/Faxweb)
