Policia e Tiranës ka arrestuar 34-vjeçarin Muharrem Peti, banues në Bulqizë, pasi dyshohet se në gjendje të dehur qëlloi me armë zjarri pistoletë në ajër nga automjeti me të cilin lëvizte dhe më pas e hodhi armën në lumin e zonës së Laknasit.
Ngjarja ndodhi pas mesnatës në rrugën “Xhorxh Bush”. Për fat, nga të shtënat nuk pati dëmtime.
Kamëz
Në gjendje të dehur, qëlloi me armë zjarri në ajër nga automjeti dhe më pas e hodhi armën në një lumë, kapet dhe vihet në pranga 34-vjeçari.
Vijojnë kontrollet e pandërprera për gjetjen e armës së zjarrit.
Sekuestrohet automjeti në cilësinë e provës materiale.
Shërbimet e Komisariatit të Policisë Nr.5, pas marrjes së njoftimit se në rrugën “Xhorxh Bush” një shtetas kishte qëlluar me armë zjarri nga mjeti me të cilin qarkullonte, menjeherë organizuan punën me qëllim kapjen dhe vënien në pranga të autorit të dyshuar.
Në vijim të veprimeve të shpejta dhe profesionale u kapja dhe arrestimi i shtetasit M.P, 34 vjeç, banues në Bulqizë.
Ky shtetas dyshohet se në gjendje të dehur, ka qëlluar në ajër, me armë zjarri pistoletë, pas mesnatës, në rrugë, dhe më pas e ka hedhur në një lumë në Laknas. Nga të shtënat nuk ka patur dëmtime.
Materialet procedurale i kaluan Prokurorisë, për veprime të mëtejshme.
Discussion about this post