Kreu I PD-së Lulzim Basha ka folur pas vizitës së banorëve të Kamzës të prekur nga përmbytjet. Në reagimin e tij Basha shprehet se kreu i Bashkisë së Kamzës, Xhelal Mziu ja ka dalë të ndihmojë mbi 250 familje të rrezikuara edhe pse pa mbështetjen e qeverisë. Madje sipas Bashës, z.Mziu I ka rrëfyer se eskavatorin që i takonte me vendim qeverie, ia ka marrë Bashkia e Tiranës.
REAGIMI I BASHËS
U takova me familjet e përmbytura në Bashkinë e Kamzës.
Dëmet janë të mëdha. Kryebashkiaku Mziu është pa mbështetjen e autoriteteve, por ia ka dalë të ndihmojë mbi 250 familje të rrezikuara. Banorët më treguan se u përmbytën për shkak të shkarkimit të liqenit të Bovillës pa u paralajmëruar.
Inkurajova kryebashkiakun Xhelal Mziu të bëjë gjithçka për t’u ardhur në ndihmë banorëve me mjetet që ka në dispozicion. Zoti Mziu më tha se eskavatorin që i takonte me vendim qeverie, ia ka marrë Bashkia e Tiranës. Deri tani, në zonë ka shkuar vetëm një makinë ushtrie për 11 persona në rrezik. Megjithatë, i kërkova zotit Mziu dhe banorëve që takova, që të kenë prioritet evakuimin e qytetarëve. (.F.M/Faxweb)
