Kamioni hyn mes turmës në një treg Krishlindjesh në Berlin, një i vdekur e disa të plagosur

Një ngjarje e rëndë ka ndodhur në Berlin, ku një kamion është futur mes turmës në një treg krishlindjesh. Si pasojë një person ka gjetur vdekjen. Ndërkohë mediat gjermane raportojnë edhe për disa të plagosur.

“Në Berlin pranë një kishe, një kamion ka hyrë në trotuar. Ka vdekur një person, ashtu siç ka thënë një zëdhënës i policisë. Tjetër gjë nuk është bërë e ditur”, raporton agjencia e lajmeve Dpa.

Askush nuk ka marrë akoma përgjegjësi mbi ngjarjen, por autoritetet vendase besojnë se bëhet fjalë për një sulm terrorist.

Kjo ngjarje e rëndë të sjell ndërmend tragjedinë e korrikut në Nicë të Francës, kur një kamion hyri mes turmës në “Shëtitoren e Anglezëve”, në Festën e Pavarësisë.

Nga kjo ngjarje humbën jetën mbi 80 persona dhe rreth 200 të tjerë mbetën të plagosur.(D.D/Shuplaka)