Një sulm i rëndë ka ndodhur në Suedi ku një kamion ka hyrë mes turmës së njerëzve në Stokholm. Sipas mediave vendase rruga ky hyri kamioni është një ndër më të frekuentuarat nga këmbësorët. Deri më tani raportohen 5 të vdekur dhe disa të plagosur.
Policia ka mbërritur në vendngjarje dhe ka evakuuar banorët. Sipas dëshmitarëve janë dëgjuar edhe disa të shtëna me armë zjarri.
Ndërkohë në lidhje me ngjarjen ka reaguar edhe presidenti i KE, Jean-Claude Juncker. Ai u shpreh se sulmi mbi një anëtar të Unionit është sulm ndaj të gjithëve.
“Autoritetet suedeze kanë mbështeten tonë. Sulmi mbi një anëtar të unionit është sulm kundër të gjithëve ne.”- ka thënë Juncker.
Gjatë ditë së sotme një kamion hyri me shpejtësi në turmën me njerëz në rrugën Drottninggatan të Stokholmit, pranë një qendre tregtare. Sipas dëshmitarëve ka pasur edhe të shtëna me armë zjarri.
Kryeministri i vendit e përshkroi sulmin si akt terrorist duke u nisur nga mënyra si është vepruar. Si pasojë e ngjarjes, autoritetet kanë mbyllur metronë.
Sipas autoriteteve kamioni me të cilin u krye sulmi rezulton i grabitur, ndërsa në lidhje me ngjarjen është arrestuar një i dyshuar. (J.V/Shuplaka)
