Kamioni merr para motorin, humb jetën 34-vjeçari shqiptar në Itali

Një aksident i rëndë ka ndodhur në Itali ku një 34-vjeçar  shqiptar ka humbur jetën. Ky aksident ka ndodhur në Fondi, Itali përgjatë rrugës “Diversivo Acquachiara”, pranë kryqëzimit me rrugën Capocroce,. 

Sipas mediave italiane  viktima është Gentian Caka, i cili udhëtonte me një motor kur për arsye ende të paqarta është marrë para nga një kamion. Ngjarja ka ndodhur mbrëmjen e djeshme rreth orës 19:00.

Në vendin e ngjarjes kanë shkuar menjëherë forcat e policisë dhe ndihma e shpejtë por me gjithë përpjekjet për ta mbajtur në jetë 34-vjeçari shqiptar nuk ka mundur të mbijetojë. (J.V/Shuplaka)