Elord Gjana ka zënë vendin e dytë në “Drakula Open G1 2018”, duke fituar medalje argjendi në Bukuresht, ndërsa penalizohet nga dëmtimi.
Elord Gjana, taekondisti i peshës 54 kilogram, nuk di të ndalet, apo të zbresë nga podiumi i medaljeve në arenën ndërkombëtare. Pas medaljes së bronztë në Serbi, sot Gjana është i argjendtë me shumë meritë në “Drakula Open G1 2018”, që nga 2 deri më 4 nëntor është duke u zhvilluar në Bukuresht. Sipas trajnerit të Ortek Taekondo, Julian Caca, Elord Gjana bën bujën e radhës këtë herë duke u renditur i dyti.
“Dëmtimi në gjysëmfinale e penalizoi Elordin të mos luftonte plotësisht në finale. Por dëmtimet janë pjesë e lojës, të cilat duhet t’i përballojmë dhe të mësojmë prej tyre duke i shmangur ato për të mos ndikuar në ecurinë tonë”, ka thënë Caca, ndërsa ka uruar se së shpejti Elord Gjana do të jetë i artë. Ndërkohë po në të njëjtin aktivitet do të konkurrojë dhe Valdet Allaraj, ky në peshën 58 kilogram.
Discussion about this post