Kampioni i Julian Dedës ka ditëlindjen: Diçka më emocionon fort sot, të dua me gjithë qenien time!

Kampioni i Julian Dedës ka sot ditëlindjen. Një kampion jo nga ata të zakonshmit por që për Dedën është edhe shok por mbi të gjitha bir.

Mateo, djali i vetëm i aktorit të humorit feston sot ditëlindjen, nën emocionet e jashtëzakonshme të familjes së tij, motrës dhe nënës dhe babait që do e marrë malli për vogëlushin që po rritet përditë.

”Mos ndoshta ndjej një krenari prej prindi ”budalla”?”, kjo është pyetja që bën këtë mëngjes Julian Deda.

Por dedikimi i tij është edhe më emocionues, i shkurtër, sepse rrahjet e zemrës për fëmijën i mbysin fjalët.

”Kampion, diçka më emocionon fort sot, por nuk arrij ta kuptoj me saktësi. Mos është fakti që ti po rritesh dhe do më marrë malli për Mateon e vogël, apo mos ndoshta ndjej një krenari prej prindi “budalla”?

Më vjen inat që s’po e formuloj dot, por një gjë e di me siguri, që të dua me gjithë qenien time.

Edhe 100 shoku im.”, shkruan Deda.