Reali i madridit ka arritur një fitore madhështore mbrëm kundër PSG-së edhe pse për nga loja e zhvilluar nuk arriti të kishte superioritet të madh ndaj francezëve të PSG-së të cilët në moment kyçe të takimit u treguan individualistë në sulm dhe nuk arritën të shënonin më shumë se një gol në ratet e krijuara.
Reali I Madridit I ndihmuar edhe nga fati arriti të përmbysë avantazhin e PSG-së duke shënuar tre gola dhe duke hedhur një hap të rëndësishëm për në raundin tjetër të Ligës së Kampionëve.
Për vendësit shënuan Cristiano Ronaldo dy dhe Marcelo, ndërsa për PSG shënoi Adrien Rabiot.
Ky rezultat në fakt ishte diku surprizë duke pasur parasysh formën e dobët të Realit në kampionat ku ka treguar një forma aspak të mirë.
Kapiteni i Real Madridti Sergio Ramos thotë se fitorja ndaj PSG-së është shumë e rëndësishme dhe nuk mund të bëhej më mirë një rikthim ndaj PSG-së.
Ai po ashtu thotë se fitorja e tyre është shumë e merituar.
“Një fitore e rëndësishme, nga ato netët e Championsit që mbahen në mend. Nuk kishte mënyrë më të mirë për të treguar personalitetin tonë. Ne kemi qenë skuadër shumë serioze, duke bërë punë të madhe dhe duke arritur fitore të merituar”, tha Ramos pas ndeshjes.
“Nuk u dorëzuam edhe kur pësuam gol. Ne vazhduam të luftojmë për fitore me shumë personalitet. Reali kurrë nuk mund të konsiderohet i vdekur”, u shpreh ai në fund. (B.H/Faxweb)
