Me arrestimet, përjashtimet dhe disa zyrtarë policie nën hetim, janë zbuluar detaje të reja edhe për mjedisin ku kryente punën laboratori modern i drogës në Skrapar. Referuar burimeve të policisë, mësohet se aktiviteti zhvillohej brenda një firme private.
Një fasoneri në fshatin Guhak të rrethit Skrapar ku prodhoheshin çanta kartoni, pije alkoolike si verë dhe raki, fasoneri që më parë ka shërbyer si fabrikë e prodhimit të bimëve mjekësore.
Konkretisht, në këtë ambient në administrim të shtetases Edlira Lame u gjetën pajisje elektrike që dyshohet se përdoreshin për prodhim të bimëve narkotike, rreth 2 kg mbetje bimë narkotike Cannabis Sativa,vazo plastike me kërcell të prerë e me filizë, lekë, paund e dollarë.
Për aktivitetin e këtij laboratori droge, u përjashtuan nga policia dy inspektorë dhe një nënkomisar, si dhe nisi hetimi ndaj disa komisarëve dhe nën komisarëve.
(XH.A/SHUPLAKA)
