“Nëse e ke mendjen vetëm të të pëlqejnë, atëherë do të jesh e përgatitur të bësh kompromis me gjithçka dhe në çdo kohë, dhe nuk do të arrish asgjë”, janë këto fjalët ekancelares gjermane Angela Merkel, gjatë një shkëmbimi dollish me Presidentin Obama.
Angela Dorothea Kasner u lind në Hamburg më 1954, ajo është më e madhja e tre fëmijëve, e vëllait Marcus dhe motrës Irene. Merkel është mbiemri i ish-bashkëshortit të saj të parë, një martes me një student fizike që përfundoi më 1997.
“Gruaja e hekurt e Gjermanisë”, nuk ka fëmijë, por bashkëshorti i saj aktual , një profesor i kimisë kuantike, Joachim Sauer ka dy djem të rritur nga një martesë e mëparshme.
Ëndrra e saj politike është që Gjermania dhe Evropa të jenë të qëndrueshme, të suksesshme dhe partnere të mira për botën.
Por çfarë mendimi kanë liderët botërorë për të?
“Gruaja e hekurt e Gjermanisë”, është cilësuar ajo nga ish-presidenti amerikan, Barack Obama. Ndërsa më herët ish-presidenti amerikan është shprehur se nëse ai do të ishtë një gjerman patjetër që do të kishtëe votuar për Angela Merkel.
Krejt çfarë mund të them për kancelaren Merkel është se ka krijuar lidhje partneriteti të shquara në mes të dy vendeve. Nëse do të isha gjerman me të drejtë vote, ndoshta do të kisha votuar për të. Nuk e di nëse kjo dhemb apo ndihmon”, deklaroi Obama.
“Unë e dua një zonë të sigurt për njerëzit, nuk më pëlqen emigrimi, nuk më pëlqen që njerëzit të vijnë, sinqerisht, shikoni, si Evropa do të duhet të merret me ta, shikoni trazira në Gjermani. Gjithmonë kam menduar se Merkel ishte si një lider i madh, por ajo ka bërë në Gjermani është e çmendur, është e çmendur! Ata kanë të gjitha llojet e sulmeve “, ka thënë presidenti i Shteteve të Bashkuaratë Amerikës, Donald Trump në një interviste në tetor të vitit 2015.
Ndërkohë më herët Trump mendonte se Merkel ishte një grua fantastike dhe e respektuar.
“Gjermania, si, është ulur heshtur duke mbledhur para dhe duke bërë një pasuri me liderin më të madh në botë sot, Merkel. Ajo është fantastike … shumë e respektuar”, thoshte Trump.
Tashmë dihet fobia e kancelares gjermane ndaj qenve, këtë gjë ajo madje e ka shprehur hapur edhe ndaj qenit të presidentit të Rusisë, Vladimir Putin. “Kush shkon e viziton atë, thoshte ajo përpara vizitës së saj në Moskë vite më parë.
Por mendimi i presidentit Putin, për të ishte më dashamirës, i cili duke folur për gazetën gjermane “Bild” në vitin 2014, ka cilësuar atë si një grua të sinqertë dhe shumë profesionale.
“Unë ndjehem në të njëjtën mënyrë edhe tani. Kam thënë se ajo është shumë e sinqertë dhe shumë profesionale. Në çdo rast, mendoj se niveli i besimit mes nesh është shumë i lartë”, ka thënë Putin.(S.SH/Shuplaka)
Discussion about this post