Ish-kancelari i Gjykatës së Korçës, Esmerald Xhafa ka reaguar ditën e sotme përmes një postimi ndaj deklaratave të deputetit të LSI, Ylli Shehu për fshehjen e veprës penale të kontrabandës.
Në statusin e tij në Facebook, ish kancelari Esmerald Xhafa është shprehur se Ylli Shehu është dënuar nga Gjykata e Korçës për tre vepra penale duke theksuar se ai e ka fshehur dënimin e tij në formularin e dekriminalizimit.
Në deklaratat e dhëna më herët Ylli Shehu ka cilësuar se ka kandiduar edhe më herët në 2013 dhe se kjo gjobë administrative nuk e ka penguar. (Lexo ketu)
Mirëpo këtyre deklaratave të tij ish kancelari iu është përgjigjur se Shehu është dënuar me vendim gjykate për vepër penale jo administrative, sikurse është shprehur ai.
Ish-kancelari thekson se, deputeti Shehu është dënuar edhe nga Gjykata e Tiranës, por edhe nga Gjykata e Korçës, ndërkohë që ka deklaruar vetëm dënimin e Tiranës.
Esmerald Xhafa thekson se Ylli Shehu ka gënjyer Gjykatën dhe vazhdon të gënjejë KQZ-në. “Shoku Ylli je gabim e para ti nga Gjykata e Rrethit Gjyqësor Korçë je dënuar për kryerjen e 3 vepra penale. E dyta ti shoku Ylli ke gënjyer gjykatën pasi ke deklaruar se ke qene i padënuar me pare ndërkohe që vetëm disa muaj kane kaluar nga dënimi yt në Gjykatën e Tiranës”, thekson ish-kancelari.
Statusi i plote:
Lexova deklaratën e deputetit Ylli Shehu.
Ylli deklaron ne formularin e dekriminilazimit vetem vendimin gjyqësor te Gjykatës se Rrethit Gjyqësor Tirane dhëne ne vitin 2007 i dënuar me 200.000 leke gjobe per kontrabande, dhe thote se per vendimin e Gjykatës se Rrethit Gjyqësor Korçë nuk ka detyrim per ta deklaruar se është një gjobe administrative.
Shoku Ylli je gabim e para ti nga Gjykata e Rrethit Gjyqesor Korçe je dënuar per kryerjen e 3 vepra penale.
E dyta ti shoku Ylli ke genjyer gjykaten pasi ke deklaruar se ke qene i padenuar me pare nderkohe qe vetem disa muaj kane kaluar nga denimi yt ne Gjykaten e Tiranes.
Ti shoku Ylli je denuar nga te dyja gjykatat per kryerjen e vepres penale te “Kontrabandes” cka tregon se ti je perserites per kryerjen e vepres penale me natyre kontrabandimi.
Ti shoku Ylli ke gënjyer Gjykaten, vazhdon te gënjesh KQZ, mundohesh ti hedhesh hi syve qytetareve sikur ti na qenke sulmuar padrejtesisht, jo mo shok jo askush ste sulmon ty padrejtesisht jane fakte dhe vepra te cilat ti i ke pranuar vete se i ke kryer dhe keta vendime kane marre forme te prere pa u ankimuar nga ana jote. Shoku Ylli me vjen keq qe nuk shkelqeve, gjithkush mund te gaboje nje here por kur perseritet quhet faj.
Discussion about this post