Juristi Altin Hazizaj kandidat për Inspektoriatin e Lartë të Drejtësisë (ILD) ka dhënë një intervistë për Fax News lidhur me burokracitë nga Këshilli i Emërimeve në Drejtësi në lidhje me dokumentet që kandidatët për këtë pozicion duhet të dorëzojnë. (Lexo ketu).
Hazizaj është shprehur që është pak absurde të kërkosh dokumente që nga viti 1995 për deklarimet shoqërore nga një kandidat që ka punuar në zyra private përderisa nuk i ka kryer vetë veprimet financiare.
“Unë si kandidat duhet të vërtetoj pagesat në sigurimet shoqërore nga viti 1995 deri më tani. Është si të kërkosh banorët e Tokios.
Është pak e vështirë pasi këto deklarime nuk bëhen personalisht nga personat që punojnë në administata apo zyra sepse i derdh vetë financa e zyrës.” tha Hazizaj.
Juristi shtoi se është shumë i vështirë si proces pasi këto të dhëna nuk gjenden as online dhe tani është i detyruar të humbasë kohë.
“Mua më duhet të shkoj të kërkoj në arkiva sepse të dhënat online janë të dhënat që prej vitit 2012.
Formularin unë e kam dorëzuar në kohë, këto janë të dhëna shtesë që më zënë kohë dhe më ngarkojnë emocionalisht. Më kërkohen dokumente që individualisht janë të vështira janë për tu gjetur.
Jam zyrtar privat, ndonse mua më është kërkuar të bëj deklarim të pasurisë gjë që nuk është e qartë pasi kjo gjë bëhet vetëm nëse unë shpallem fitues.” vijoi më tej aktivisti.
Hazizaj tha që vlerësimi i kandidatëve duhet bërë në bazë të dosjeve dhe ai e ka dorëzuar tashmë dosjen e tij.
Ai pohon se është brenda të gjitha afateve kohore por se këto burokraci do të zvarrisin procesin e zyrtarizimit të kandidatëve të ILD dhe votimit të tyre nga Parlamenti.
“Ligji kërkon që brenda një muaji që nga moment i aplikimeve, autoritetet të bëjnë vlerësimet në bazë të dosjes, dhe nëse unë nuk do kisha paraqitur si duhet dokumentet do isha rankuar më poshtë. Kërkesa për këto dokumente vonojnë procesin. Nuk besoj që është e qëllimshme. Unë jam brenda afateve ligjore për të dorëzuar dokumentet. E vetmja gjë që zvarritet është procesi i dërgimit në Parlament të listës së kandidatëve.” përfundoi Hazizaj.
(j.b/faxweb.al)
Discussion about this post