Të mërkurën më datë 3 maj 2018, Londra do të mbajë zgjedhjet vendore metropolitane
E veçanta e këtyre zgjedhjeve locale është se do të votohen edhe tre shqiptarë, të cilët konkurrojnë për këshilltarë, dy prej të cilëve, janë kandidatë të rinj.
Ata kandidojnë nga të dyja partitë kryesore, konservatorët e kryeministres Theresa May dhe opozitës laburiste të Jeremy Corbyn.
Anila Skeja nga Librazhdi konkurron nën siglën e partisë Konservatore. Anila ka pesë vite që jeton në Londër bashkë me familjen është mësuese dhe konkurron në qytezën Barnet në veri të Londrës.
Zona elektorale, ku ajo kandidon është e njohur për mbështetjen që gëzojnë laburistët, ndërkohë në atë Bashki në tërësi kanë fituar konservatorët, thotë ajo Top Channel, fakt që do ta bëjë garën shumë të vështirë.
Zgjedhjet lokale të së enjtes në Britani priten me interes dhe sondazhet favorizojnë laburistët e opozitës, sidomos në kryeqytet.
Ndërkohë një prurje e re në radhët e Laburistëve të opozitës në Bashkinë Harrow në veri të Londrës është Endri Hatillari, një profesionist i suksesshëm dhe aktivist i njohur.
Endri Hatillari ka kryer studimet e larta dhe pas universitare në Londër, dhe është diplomuar për Menaxhim në nivelin e Masterit Shkencor, ndërkohë që, shënon një sërë eksperiencash si në Fushën Akademike, Telekomunikacion, organizata ndërkombëtare jo qeveritare dhe në atë të sistemit bankar.
Hatillari, shprehet se do të ishte i lumtur që në zgjedhjet e ardhshme të shihte një numër edhe më të madh shqiptarësh që garonin për poste vendim-marrëse, që të kemi zë më të fortë dhe bëhemi me influencues, thotë ai.
Discussion about this post