Kandidati i Partisë Demokratike në Vlorë Agron Shehaj, i cili kandidon i pari në qarkun e Vlorës, ka mbetur pa fjalë gjatë një interviste me Ilir Babaramon.
Ndërsa po diskutonin për të rinjtë dhe të rejat shqiptare që po braktisin Shqipërinë për të ikur në vende të tjera të Europës ose më gjerë, në kërkim të një jetese më të mirë, Babaramo tha se një pjesë të fajit e ka edhe opozita sepse nuk paraqet një shpresë për njerëzit.
Pas këtyre fjalëve Shehaj mbeti pa fjalë ndërsa s’mbante dot veten nga të qeshurat. “Shiko, unë mund të prisja gjithçka në këtë politikë, por tani mbeta pa fjalë, që ju t’i jepnit fajën opozitës pse ikin shqiptarët kjo është e jashtëzakonshme. Unë mendoj se një qeveri së cilës i ikin qytetarët e vet, duhet të japi dorëheqjen.”, ishte përgjigja e Shehajt.
BISEDA :
Babaramo: Për këtë që njerëzit që shkojnë në emigracion, disa fajësojnë qeverinë…
Shehaj: Ëhë disa?
Babaramo: ndërsa disa të tjerë shikojnë se kjo opozitë nuk krijon shpresë
Shehaj: Ikin nga opozita? Kjo është e paparë
Babaramo: Ikin nga kjo klasë politikën në optikën time
Shehaj: Unë gjithçka mund të prisja por vetëm që të bëjmë përgjegjës opozitën këtë nuk mund ta prisja. I dashur njerëzit kanë ikur që në vitin e parë të qeverisë. Flasim për fakte
Babaramo: Nëse një opozitë nuk arrin të krijojë shpresë
Shehaj: Shiko, unë mund të prisja gjithçka në këtë politikë, por tani mbeta pa fjalë, që ju t’i jepnit fajën opozitës pse ikin shqiptarët kjo është e jashtëzakonshme. Unë mendoj se një qeveri së cilës i ikin qytetarët e vet, duhet të japi dorëheqjen. (D.D/Shuplaka)
