Fushata elektorale e të majtës shqiptare është në kulmin e saj kur kanë mbetur edhe 4 ditë nga 30 Qershori, datë e cila ka gjasa të futet në histori si kohë kur janë mbajtur zgjedhjet e para në vend pa dekret presidencial.
Ndërkohë që fushata është pranë mbylljes së saj, socialistët dhe kandidatët për kryetar bashkish vijojnë intensivisht takimet me elekttoratin dhe qytetarët. Valdrin Pjetri është njëri prej tyre i cili gjatë një takimi me përfaqësues të sportit, bëri një gafë të madhe teksa tha se do e çonte Vllazninë në Kategorinë e Parë, kur kjo e fundit sapo është ngjitur këtë vit në Superligë.
Një deklaratë e tillë është pritur me keqardhje dhe revolt nga qytetarët dhe sidomos sportdashësit të cilët kanë vërshuar me sharje dhe kritika në rrjetet sociale.
“Vllaznia nuk po arrin të kalojë aty ku e ka vendin. Kam marrë shumë shqetësime nga tifozë të ndryshëm dhe pyetja kryesore është: Valdrin, çfarë do të bësh me Vllazninë nesër? Në konsultë edhe me mjeshtrat e sportit, por edhe duke parë anën ekonomike, propozimi ynë është fillimi i procedurave për privatizimin e KF Vllaznia. Vetëm atëherë ne mund të çojmë Vllazninë në Kategorinë e Parë dhe t’i japim Vllaznisë as më shumë e as më pak, por atë që meriton. Ja kemi borxh dhe borxhet duhet me i la. Koncepti ynë është që Vllaznia të privatizohet”, tha Pjetri.
(F.GJ/FAXWEB.AL)
Discussion about this post