Të dhënat e Institutit të Studimeve Politike sjellin raste të tjera të kandidimit familjar në listat e partive.
Janë të dhëna këto nga partitë Aleanca Demokristiane, Aleanca Arbnore, Fryma e Re Demokratike, MEGA, Socialdemokratët, etj.
Kandidatët konkurojnë si familje, shumica e rasteve në krye të listës dhe ku pasuesi familjar pason edhe listën.
“Drejtuesi i MEGA kishte të drejtë kur pranoi listën kritike të ISP dhe tha se ligji i detyron partitë e vogla të krijojnë lista formale kandidimi në qarqe ku ato nuk kanë anëtarësi e shtrirje. Por ai nuk kishte të drejtë kur listat familjare të kandidimit i quan normalitet dhe kur partitë familjare prezantohen në media e në publik si “alternativa serioze” dhe bëjnë sikur bëjnë politikë. Thelbi i mbijetesës së tyre: përmes ca votave në zgjedhje sigurohet minimumi i nevojshëm për të marrë ca poste drejtorësh në rrethe ose në administratën qëndrore”,-shkruan ISP.
“Të dhëna të tilla, përfshirë listat e mërparshme familjare të publikuara nga ISP, të dhënat skandaloze për CV e kandidatëve – janë këmbanë alarmi për gjendjen mocalore ku ndodhet përfaqësimi partiak e politik në Shqipëri dhe ftesë urgjente për një reformim tërësor të legjislacionit mbi partitë politike dhe zgjedhjet”,-përfundon ISP.
(M.D/Shuplaka)
Discussion about this post