”Sot kanë ofruar nëpërmjet mediave të kontrolluara kokën e Saimir Tahirit, ne nuk jemi mbledhur këtu për kokën e Saimir Tahirit se ajo është kokë e krimit, ne nuk jemi këtu të pranojmë ”koka turku”, mbaje Saimir Tahirin për vete zgjidhja është largimi yt dhe i qeverisë tënde!”, ky ka qenë mesazhi i fortë i Bashës nga çadra ku opozita prej 3 ditësh po proteston.
Basha tha se ky mesazh ka ardhur nga mediat e kontrolluara nga qeveria.
Dëgjo zërin e qytetarëve, zgjidhu nga karrigia ku të ka lidhur krimi dhe në ta mban dil dhe ndeshemi dhe të shohim e kush fiton! Nuk shpëton dot nga përballja me qytetarët as krimi, as droga, as mediat e blera, ora e përballjes po vjen!’, vazhdoi më tej kryedemokrati, duke këmbëngulur në kërkesën e tij për qeveri teknike.
FJALA E BASHËS:
”Nuk do të pranojmë më ekonomi fasadë, parlament fasadë, arsim fasadë.
Kjo mund të arrihet vetëm nëpërmjet zgjedhjeve të lira dhe të ndershme. Nuk është vetëm vendimi im, por vendimi që ka përshëndetur çdo shqiptar. Tani që ky vendim është marrë, ne i themi sot siç i thamë dje, siç do ti themi në një miting tjetër edhe më të madh, qeveri teknike, pa Edi Ramën kryeministër, pa një qeveri kanabisi dhe droge.
Zgjedhje të lira dhe të ndershme, qeveri teknike, ju e vendosët, unë ju bindem ju, jam në shërbimin tuaj!
Me kriminelët, me krimin dhe drogën do të pranojnë të realizojnë zgjedhje të lira dhe të ndershme, a ka rrugë tjetër veç qeverisë teknike?! Nuk ka rrugë tjetër, ne i shteruam të gjitha mundësisë. Një vit më parë kërkuam votim elektronik, këta e zvarritën se menduan që zgjedhjet t’i trajtojnë si zgjedhje fasadë. Një vit u përpoqëm nëpërmjet dialogut që të bind këta u tallën, gënjyen, mashtruan dhe nuk e mbajtën fjalët. tani nuk kanë përballë vetëm opozitën, por një popull të tërë.
Rama ik! Rama ik!
PD ka marrë një vendim dje, në përputhje me zërin tuaj.
PD do të zhvillojë aktivitetin parlamentar, do të zhvendoset këtu, në parlamentin e vërtetë, në shesh.
Sot kanë ofruar nëpërmjet mediave të kontrolluara kokën e Saimir Tahirit, ne nuk jemi mbledhur këtu për kokën e Saimir Tahirit se ajo është kokë e krimit, ne nuk jemi këtu të pranojmë koka turku. Mbaje Saimir Tahirin për vete zgjidhja është largimi yt dhe i qeverisë tënde!
Dëgjo zërin e qytetarëve, zgjidhu nga karrigia ku të ka lidhur krimi dhe në ta mban dil dhe ndeshemi dhe të shohim kush fiton!
Nuk shpëton dot nga përballja me qytetarët as krimi, as droga, as mediat e blera, ora e përballjes po vjen!” (V.G/SHUPLAKA)
Discussion about this post