Ajo është vetëm 15-vjeçe por ka një talent të madh në fushën muzikore. Bëhet fjalë për Kanitën, vajzën nga Shkupi, e cila prej disa vitesh është bërë pjesë e tregut muzikor shqiptar. Kanita së fundmi ka nisur të bashkëpunojnë me kompozitorin e njohur maqedonas Boban Apostolov, i njohur ndryshe si Nabboo, i cili punon me emra të njohur të muzikës europiane, shkruan Top Channel.
Bashkëpunimi me këtë kompozitor i ka dhënë shumë mundësi Kanitës. Me projektin e saj më të ri muzikor “Don’t Let Me go”, i cili është i treti për të, Kanita është kthyer në qendrën e mediave. “Don’t Let Me Go”, e cila është punuar dhe masterizuar në Paris, është pritur mjaft mirë nga publiku, ku që në javën e parë të publikimit, ajo është bërë pjesë e “The Top List”.
Kanita, e cila është në vitin e parë të shkollës së mesme të muzikës në Shkup, ka goditur në shenjë me këtë këngë të re pasi jo vetëm është bërë pjesë e listës por ajo është pozicionuar mjaft mirë, pikërisht në vendin e 18-të për shkak të votave të publikut në topawards.
Po kështu Kanita ka marrë pjesë edhe në spektaklin X Factor 2, ku atje u spikat për talentin e saj dhe u bë e njohur për publikun. (J.V/Shuplaka)
