Kanos vjehrrën e moshuar dhe dëmton me xham të bijën, arrestohet 45-vjeçari. Në gjendje të dehur

Një tjetër rast dhune në familje është shenuar në vendin tonë. Kështu dhendri në gjendje të dehur ka kanosur vjehrrën e moshuar në fshatin Kodovjat të Gramshit.

Policia bënë me dije se Gëzment Taçe dyshohet se ka kanosur vjehrrën e tij me inicialet M.H., 79 vjeçe. Po ashtu, dyshohet të ketë dëmtuar me xham vajzën e tij, shtetasen J.T., 19 vjeçe.

NJOFTIMI I POLICISË: 
Specialistët për Krimet, në Komisariatin e Policisë Gramsh, bënë arrestimin në flagrancë të shtetasit Gazment Taçe, 45 vjeç banues në fshatin Lenie.

Arrestimi i tij, u bë pasi në fshatin Kodovjat, në gjendje të dehur dyshohet të ketë kanosur vjehrrën shtetasen M.H., 79 vjeçe banuese në fshatin Kodovjat. Gjithashtu dyshohet të ketë dëmtuar me xham vajzën e tij, shtetasen J.T., 19 vjeçe.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje” parashikuar nga nenet 130/a/2/3 i Kodit Penal.

(E.K/SHUPLAKA)