Në Lezhë është arrestuar Dashamir Lucaj, 37 vjeç pasi kanosi dhe goditi me qytën e armës së zjarrit, për motive të dobëta një shtetas. Gjithashtu u proçedua penalisht në gjendje të lirë, vëllai i tij shtetasin D. L. 36 vjeç ,banues në Tale 2 – Lezhë.
DETAJE:
Më datë 16.08.2017, nga Seksioni për hetimin e krimeve në Komisariatin e Policisë Lezhë, u arrestua shtetasi:
– Dashamir Lucaj, 37 vjeç, banues në Tale2 – Lezhë
Gjithashtu u proçedua penalisht në gjendje të lirë, vëllai i tij shtetasin D. L. 36 vjeç ,banues në Tale 2 – Lezhë.
Këta shtetas, në bashkëpunim me njëri-tjetrin, për motive të dobëta, kanë kanosur si dhe goditur me qytën e nje armë zjarri pistoletë në kokë, shtetasin M.L. 26 vjeç, banues në Tale2 – Lezhë, ku arma ka bërë shkrepje në ajër.
Veprat penale “Prodhim dhe mbajtje pa leje e armëve luftarake dhe municionit” “Kanosje ” “Prishje e rendit dhe qetësisë publike” “Dëmtime të tjera me dashje” kryer në bashkëpunim ‘parashikuar nga nenet 278/4, 84, 274, 90 – 25 të Kodit Penal në ngarkim të shtetasit Dashamir Lucaj.
Veprat penale “Prodhim dhe mbajtje pa leje e armëve luftarake” “Kanosje” kryer në bashkëpunim parashikuar nga nenet 278/2, 84 – 25 të Kodit Penal, në ngarkim të shtetasit D.L. Materialet proçeduriale i kaluan Prokurorisë së Rrethit Gjyqësor Lezhë për veprime të mëtejshme. (J.V/Shuplaka)
