Kanosi me armë armë zjarri nënë e bir, arrestohet 47 vjeçari në Burrel

Një 47-vjeçar në Burrel ka rënë në pranga, pasi akuzohet se kanosi një grua bashkë me djalin e saj.

Bëhet fjalë për Xhemal Bruçin, pasi ishte shpallur në kërkim se në datë 13.07.2017, në Komisariatin e Policisë Mat, është paraqitur dhe ka bërë kallzim shtetasja F.T, 56 vjeçe, banuese në Mat, ku ka deklaruar se, së bashku me djalin e saj, në vendin e quajtur “Kthesa e Sanës”, për motive të dobëta janë kanosur nga shtetasit Xhemal Bruçi, dhe L.B, të cilët dyshohen se i kanë kanosur nëpërmjet një arme.

Prokuroria e Rrethit Gjyqësor Mat ka regjistruar procedimin penal dhe ka vendosur ndalimin e shtetasit të lartë përmendur si i dyshuar se ka konsumuar veprat penale “Kanosje”, kryer në bashkëpunim, dhe “Mbajtje pa leje dhe prodhimi i armëve shpërthyese dhe municionit”, parashikuar nga nenet 84, 25, 278/1, të Kodit Penal. Materialet i kaluan Prokurorisë për veprime të mëtejshme. (J.V/Shuplaka)